Haustsýningar Kynjakatta 2017

1. október 2017

Haustsýningar Kynjakatta eru helgina 7. og 8. október 2017 í húsnæði Dýraríkisins í Holtagörðum, en nýjir eigendur voru svo góðhjartaðir að hýsa sýninguna að þessu sinni. Athugið að aðgangur er ókeypis að þessu sinni en mun fréttablaðið verða selt á 400 kr.

Í fréttablaðinu er meðal annars að finna viðtöl við ræktendur og kattasnyrti, ráðleggingar um böðun og umhirðu katta, og heilagan griðarstað katta í Róm, svo eitthvað sé nefnt. Að kaupa blaðið er góð leið til að styrkja félagið og fræðast meira um þessi skemmtilegu gæludýr.

Opið verður frá 10-16 báða dagana. 

Dómarar eru:

  • Lone Lund frá Danmörk
  • Glenn Sjöbom frá Svíþjóð
  • Vladimir Isakov frá Hvítarússlandi

Þema sýninganna er skært og skræpótt!

Sjáumst í banastuði!