Skráning á haustsýningar Kynjakatta 2017

4. ágúst 2017

Nú styttist í haustsýningar Kynjakatta 2017, en þær verða haldnar 7. og 8. október næstkomandi. Þemað verður að þessu sinni skært og skræpótt. Skráning er nú þegar hafin og stendur til og með 7. september. Athugið að sækja þarf um ættbækur fyrir 7. sept ef þær eiga að fást afhendar fyrir sýningu.

Sýningarnar verða með "hefðbundnu sniði", það er að segja ekki með sama formati og seinastu tvær sýningar.

Dómarar eru:

  • Lone Lund frá Danmörk
  • Glenn Sjöbom frá Svíþjóð
  • Vladmir Isakov frá Hvítarússlandi

Allir dómarar eru All-breed dómarar.

Ekki er enn ljóst hvar sýningarnar verða haldnar en stjórnarfólk er komið á fullt í leit að húsnæði. Ef einhver lumar á hugmynd að húsnæði má endilega senda á stjorn@kynjakettir.is.

 

Við viljum síðan minna á hugmyndaleitina af næsta þema. Endilega takið þátt!