Kynjakettir auglýsa eftir dómþjón
Hefur þú áhuga á köttum? Langar þig til að fræðast jafnvel aðeins meira um þá?
Kynjakettir leita eftir dómþjónum fyrir haustsýninguna sem verður haldin 4.-5. október næstkomandi.
Til að uppfylla kröfur um hæfni til að vera dómþjónn þarf viðkomandi að:
- Tala og skilja ensku
- Vera skipulagður og þjónustulundaður
- Vera óhræddur við að bera ókunnuga ketti upp í dóm
- Vera eldri en 15 ára og vera tilbúinn til að koma og hitta yfirdómþjón daginn fyrir sýningu til að fara yfir það sem er á ábyrgð dómþjóna á sýningunum, og hvernig hinar mismunandi kattategundir eru sýndar.
Ef þú hefur áhuga á þessu skemmtilega starfi og uppfyllir kröfur endilega hafðu samband við Guðbjörgu á netfangið: gudbjorg@kynjakettir.is.